پۆلیسی پارێزگای بابل رایگەیاند، پیاوێک هێرشیكردووەتەسەر ماڵی خەزووری و لە ئەنجامدا چوار ئەندامی ئەو ماڵەی كوشتووە و پاشانیش بەرەو شوێنێكی نادیار هەڵاتووە.
پۆلیسی بابل ئاماژەی بەوەکردووە، درەنگانی شەوی رابردوو كەسێک كە ناكۆكی لەگەڵ هاوسەرەكەیدا هەبووە و هاوسەرەكەشی ماڵەكەی بەجێهێشتووە، هێرشیكردووەتەسەر ماڵی خەزووری لەناوچەی تەهمازیە لە بابل.
ئاشكراشیكردووە، تۆمەتبارەكە لەكاتی هێرشەكەیدا دەستڕێژی گوللـەی لەماڵی خەزووری كردووە و لەئەنجامیشدا، هاوسەرەكەی و خەزوور و خەسووی و برای هاوسەرەكەی كوشتووە.
جێی باسە، دوای رووداوەكە تۆمەتبار بەرەو شوێنێكی نادیار هەڵاتووە، لەئێستاشدا هێزە ئەمنیەكان بەپشت بەستن بەكامێراكانی چاودێری لێكۆڵینەوەی وردیان بۆ دەستگیركردنی دەستپێكردووە.