لایک
به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێمی كوردستان-عێراق ڕایگه‌یاند، ئه‌مڕۆ و سبه‌ینێ ئه‌گه‌ری نمه باران و كه‌مێك به‌فر له ناوچه جیاجیاكانی هه‌رێم هه‌یه و پله‌كانی گه‌رماش ڕوو له‌نزمبوونه‌وه ده‌كه‌ن.
به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی له‌ڕاگه‌یه‌ندراوێكدا بڵاویكرده‌وه، ئه‌مڕۆ هه‌ینی ئاسمان هه‌ور ده‌بێت، پێشبینیده‌كرێت له ناوچه‌كانی باكوور و ڕۆژهه‌ڵاتی هه‌رێم وه‌ك (پارێزگای سلێمانی و پارێزگای هه‌ڵه‌بجه و پارێزگای دهۆك و ئیداره‌ی سۆران و ئیداره‌ی گه‌رمیان ) نمه باران و بارانی مامناوه‌ند ببارێت به تایبه‌ت له كاته‌كانی دوای نیوه‌ڕۆ، هه‌روه‌ها له ناوچه شاخاوییه سنووریه‌كانی باكوور و ڕۆژهه‌ڵاتی هه‌رێم ئه‌گه‌ری كه‌مێك به‌فر بارین هه‌یه.
ئاماژه‌ی به‌وه‌شكردوه، پله‌كانی گه‌رما به نزیكه‌ی 2 تا 4 پله‌ی سیلیزی نزمتر ده‌بنه‌وه به‌راورد به تۆماركراوه‌كانی دوێنێ، مه‌ودای بینینیش له نێوان ( 7 – 9 ) كیلۆمه‌تر ده‌بێت.
ئه‌وه‌شیخستۆته‌ڕوو، سبه‌ی شه‌ممه ئاسمان نیمچه هه‌ور ده‌بێت له هه‌ندێك ناوچه ده‌گۆڕێت بۆ هه‌وری ته‌واو، له سنووری پارێزگای دهۆك كه‌مێك نمه باران ده‌بارێت و له ناوچه شاخاوییه سنووریه‌كانی باكوور ئه‌گه‌ری كه‌مێك به‌فر بارین هه‌یه، پله‌كانی گه‌رما نزیك ده‌بنه‌وه له تۆماركراوه‌كانی ئه‌مڕۆ.
به‌رزترین پله‌كانی گه‌رمای پێشبینیكراو به پله‌ی سیلیزی
هه‌ولێر (ئەربیل) : 17 پله‌ی سیلیزی
سلێمانی : 15 پله‌ی سیلیزی
دهۆك : 17 پله‌ی سیلیزی
زاخۆ : 15 پله‌ی سیلیزی
هه‌ڵه‌بجه : 15 پله‌ی سیلیزی
سۆران : 15 پله‌ی سیلیزی
حاجی ئۆمه‌ران : 5 پله‌ی سیلیزی
گه‌رمیان :24 پله‌ی سیلیزی
