لایک
وه‌زاره‌تی ته‌ندروستی حكومه‌تی هه‌رێم 17 ئاماده‌كاری بۆ رۆژانی پشووی سه‌ری ساڵی زاینی ڕاده‌گه‌یه‌نێت و به‌پێی ئاماده‌كاریه‌كانیش، بۆ هه‌ركارێكی پێویست و له‌ناكاو پێویسته هێڵی گه‌رمی په‌یوه‌ندی بوونی ده‌بێت.
وه‌زاره‌تی ته‌ندروستی حكومه‌تی هه‌رێم له‌ڕاگه‌یه‌ندراوێكدا بڵاویكرده‌وه، “به‌مه‌به‌ستی به‌رده‌وامی خزمه‌تگوزاریه‌كانی ته‌ندروستی و خۆپارێزی بۆ هاوڵاتیان و ڕێكاره‌كانی پزیشكی و چاره‌سه‌ری و فریاگوزاری بۆ نه‌خۆشان و ئاماده‌كاریه‌كانی داموده‌زگاكانی ته‌ندروستی له ڕۆژانی پشووی سه‌ری ساڵ، وه‌زاره‌تی ته‌ندروستی ئاماده‌كارییه‌كان به‌م ڕێنماییانه‌ی خواره‌وه ڕاده‌گه‌یه‌نێت”.
1- دانانی لێژنه‌ی به‌دواداچون له‌سه‌رجه‌م به‌رێوه‌به‌رایه‌تی گشتی و نه‌خۆشخانه‌كان.
2- بۆ هه‌ركارێكی پێویست و له‌ناكاو پێویسته هێڵی گه‌رمی په‌یوه‌ندی هه‌بێت.
3- له كاتی پێویستدا كۆگاكانی ده‌رمان و پێداویستی پزیشكی و تاقیگه‌یی كراوه ده‌بن له‌سه‌رجه‌م شار و شارۆچكه‌كان.
4- پابه‌ندبونی پزیشكانی پسپۆڕ و نیشته‌جێی دێرین و خولاو و په‌رستار و كارمه‌ندانی ته‌ندروستی به ده‌وامی ئێشكگری.
5- هاتنه‌ژوره‌وه‌ی ڕاگه‌یاندن ته‌نها له ڕێگای ڕاگه‌یاندنی به‌ڕێوه‌به‌رایه‌تیه‌كان ده‌بێت.
6- ئاماری ڕۆژانه ده‌بێت له ماوه‌ی (24) كاتژمێر له ڕێگای په‌یوه‌ندی مۆبایله‌وه له 8:00ی به‌یانی تاكو 8:00ی به‌یانی رۆژی دوایی ره‌وانه بكرێت بۆ به‌ڕێوه‌به‌رایه‌تیه گشتیه‌كان.
7- ڕۆژانه فۆرمی تایبه‌ت به ئاماره‌كان ڕه‌وانه بكرێت بۆ به‌ڕێوه‌به‌رایه‌تیه گشتیه‌كان.
8- ئاماده‌باشی بۆ ئه‌مبوڵانس و دابینكردنی گاز و به‌نزین بكرێت.
9- به‌دواداچونی به‌رده‌وام بۆ پڕۆژه‌كانی خاوێنكردنه‌وه و دابینكردنی خۆراك بكرێت.
10- هێله‌كانی مۆبایلی به‌رپرس و (مستلم)ی به‌شه‌كان كراوه بێت وه‌ڵام بدرێته‌وه.
11- نه‌خۆشخانه‌كانی فریاكه‌وتن و نۆرینگه ده‌ره‌كیه‌كان كراوه‌بن و هه‌موو سه‌ردان و زانیاریه‌كان تایبه‌ت به نه‌خۆش تۆمار بكه‌ن.
12- سه‌نته‌ره‌كانی پێدانی چاره‌سه‌ری كیمیاوی بۆ نه‌خۆشانی شێرپه‌نجه پێویسته به شێوه‌ی ئێشكگری كراوه‌بێت.
13- بانكی خوێن و خزمه‌تگوزاری دابینكردنی خوێن پێویسته به شێوه‌ی ئێشكگری كراوه‌بێت.
14- سه‌نته‌ره‌كانی شوشتنی گورچیله پێویسته به شێوه‌ی ئێشكگری كراوه‌بێت.
15- تیمه‌كانی فریاگوزاری و هێڵی (122) به‌رده‌وام ده‌بن له ئه‌رك و كاره‌كانیان به شێوه‌ی (24) كاتژمێری وه هۆبه‌ی پزیشكی فریاكه‌وتن خشته‌ی دابینكردنی تیمه‌كانی داده‌نێت بۆ شوێنه‌كانی پێویست و گه‌شتیاری.
16- تیمه‌كانی (پشكنینی ئاوی خواردنه‌وه‌ی ماڵان و نه‌خۆشیه گوازراوه‌كان و چاودێری ته‌ندروستی) به‌رده‌وام ده‌بن له به‌دواداچونه‌كانیان به‌شێوه‌ی ئێشكگری.
17- پێشكه‌شكردنی خزمه‌تگوزاری ته‌ندروستی بۆ ئاواره‌كان له كه‌مپه‌كان به‌رده‌وام ده‌بێت.
1
پارێز کەریم، دکتۆری چارەسەری سرووشتی باس لە وردەکارییەکانی چارەسەری دەرزی ئاژنین دەکات
2
ژەهری دووپشک چۆن بۆ چارەسەرکردنی شێرپەنجەی مەمک بەکاردەهێنرێت ؟
3
نەخۆشخانەی منداڵان لە سلێمانی: نەخۆشی سکچوون و رشانەوەی منداڵان گەیشتووەتە لووتکە
4
بۆ یەکەمین جار لە شاری هەولێر نەخۆشخانەی پسپۆڕی چاو (حکومی) دەکرێتەوە
5
سلێمانی.. هۆکاری ژەهراویبوونی 100 خوێندکار ئاشکراکرا
