وەزیرى دارایی عێراق: هەرێم 13 ترلیۆن دینار داهاتى نەوت قەرزدارە
تەیف سامى، وەزیرى دارایی عێراق رایگەیاند، هەرێمى کوردسان 13 ترلیۆن دینار داهاتى نەوت قەرزدارە.
لیژنەى دارایی ئەنجوومەنى نوێنەرانى عێراق، میواندارى تەیف سامى وەزیرى دارایی و بەڕێوەبەرانى بودجە و ژمێریارى و سەرۆکى دەستەى گشتى باجەکان و سەرۆکى دەستەى گومرگى کرد، بۆ گفتوگۆکردن لەبارەى سیاسەتى نەختینە و میکانیزمەکانى پارەدارکردنى بودجەى فیدراڵى.
وەزیرى دارایی لە کۆبوونەوەکەدا رایگەیاندووە، لە دواى دەرچوونى بڕیارى دادگاى باڵاى فیدراڵى بۆ خەرجکردنى مووچەى مووچەخۆرانى هەرێمى کوردستان-عێراق، داهاتى نەوت لەلایەن حکومەتى هەرێمى کوردستانەوە رادەستنەکراوە و 13 ترلیۆن دینار داهاتى نەوت قەرزدارە.
گتەکانی تەیف سامی لەکاتێکدایە، بەگوێرەی لێدوانەکانی بەرپرسانی وەزارەتی دارایی هەرێم لەدوای وەستاندنی هەناردەی نەوتی هەرێم بۆ دەرەوە ،هیچ داهاتێکی نەوت نەگەڕاوەتەوە بۆ وەزارەتەکەیان و بێ ئاگایی خۆشیان لە فرۆشتنی نەوت بە تەنکەر ئاشکراکردووە.