ئەو وادەی کۆمسیۆنی باڵای سەربەخۆی هەڵبژاردنەکانی عێراق بۆ تۆمارکردنی لیست و هاوپەیمانێتییەکان بۆ هەڵبژاردنی ئەنجومەنی پارێزگاکانی عێراق دیاریکردبوو، ئەمڕۆ کۆتایی دێت، تا ئێستا نزیکەی 300 حیزب و 31 هاوپەیمانێتی خۆیان تۆمارکردووە.
لەوبارەیەوە، عیماد جەمیل سەرۆکی تیمی رۆژنامەوانی کۆمسیۆنی هەڵبژاردنەکانی عێراق لە لێدوانێکی رۆژنامەوانیدا رایگەیاند، تائێستا نزیکەی 31 هاوپەیمانێتی بۆ هەڵبژاردنی ئەنجومەنی پارێزگاکان تۆمارکراون و پێشبینی دەکەن ژمارەی هاوپەیمانێتییەکان بۆ نزیکەی 40 بەرزببێتەوە.
ئەو وادەی بۆ تۆمارکردنی لیست و هاوپەیمانێتییەکان 30ی تەممووزی 2023 کۆتایی هات، بەڵام کۆمسیۆن لەپێناو بەشداری زیاتری لایەنەکان ماوەی هەفتەیەک درێژیکردەوە.
بڕیارە 18ی کانووی یەکەمی 2023، هەڵبژاردنی ئەنجومەنی پارێزگاکانی عێراق لە 15 پارێزگا جگە لە پارێزگاکانی هەرێمی کوردستان ئەنجامبدرێت.
پێشتر جومانە غەللای، وتەبێژی کۆمسیۆنی باڵای هەڵبژاردنەکانی عێراق، لە لێدوانێکدا ئاماژەی بەوەدا بوو، 21 هاوپەیمانی بۆ یەکەمینجار بەشداری هەڵبژاردنەکان دەکەن و ئەوانەی دیکەش پێشتر بەشداریان کردووە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
