نرخی نەوت ئەمڕۆ پێنجشەممە دوای کردنەوەی بازاڕەکانی ئاسیا، دابەزی.
هۆکاری دابەزینی نرخی نەوت بۆ کەمبوونەوەی خواست و بەرزبوونەوەی قەبارەی نەوت و بەنزینی کۆگاکراو لە ئەمریکا دەگەڕێتەوە.
نرخی نەوتی برێنتی دەریای باکوور 15 سەنت دابەزی و بەرمیلێکی بە 73 دۆلار و 43 سەنت مامەڵەی پێوەکرا. نرخی نەوتی سووکی تەکساسی ئەمریکاش 21 سەنت دابەزی و یەک بەرمیلی بە 70 دۆلار و 18 سەنت مامەڵەی پێوەکرا.
هەردوو نرخی نەوتی برێنت و سووکی تەکساسی ئەمریکا رۆژی چوارشەممە نزیکەی 1 دۆلار بەرزبوونەوە.
شرۆڤەکارانی بانکی ئۆسترالیی نیوزلاندی ڕایانگەیاند، “بازرگانان ئێستا چاویان لە راپۆرت و هەڵسەنگاندنەکانی ئاژانسی نێودەوڵەتیی وزەیە بۆ ئەوەی هێمای زیاتریان لەسەر دۆخی بازاڕ بەتایبەتی خواست و خستنەڕوو لە ساڵی داهاتوودا دەستبکەوێت.”
بەپێی نوێترین راپۆرتی مانگانەی ئۆپێک، خواست بۆ بەکارهێنانی نەوت لە 2025دا بەڕێژەیەکی کەمتر لە پێشبینییەکانی پێشوو بەرزدەبێتەوە.
کارگێڕیی زانیاریی وزەی ئەمریکا لەلایەکی دیکەوە ئاشکرای کردووە، قەبارەی بەنزین و بەرهەمە نەوتییەکان لە هەفتەی رابردووەوە زیادبووە، ئەوەش گوشاری بۆ نرخەکانی نەوت دروستکردووە.
