بەڕێوەبەرایەتی تەندروستی هەولێر: لە 49%ی نەخۆشانی شێرپەنجە خەڵكی ئاوارە و دەرەوەی هەرێمە

0

لایک

0

بەڕێوەبەرایەتی گشتی تەندروستی هەولێر لە بارەی ئامارەکانی شێرپەنجە لە شاری هەولێر ڕوونکردنەوەیەک دەدات وئەو هەواڵانە بە درۆدەخاتەوە کە باس دەکرێت.

ڕوونکردنەوەیەک بۆ ڕای گشتی. . .

دوای بڵاوبوونەوەی ئامارەکانی شێرپەنجە لە چەند دەزگایەكی ڕاگەیاندن کە تیایدا ئاماژە بەوە دەکات ڕێژەی تۆمارکردنی شێرپەنجە لە هەولێر بەرزترینە بە بەراورد بە شارەکانی تری هەرێمی کوردستان و عیراق، بەداخەوە دوور لە ئەتەكێتی ڕاگەیاندن و دوور لە شیكردنەوە و بنەما زانستیەكان، هەوڵ دەدرێت بە چەواشە هاوڵاتیان تووشی دڵەڕاوكێ و ترس و تۆقاندن بكەن.

بۆ ئەم مەبەستە ئەم ڕوونكردنەوەیە بۆ ڕای گشتی و هاوڵاتیان دەخەینەڕوو:

1. ڕاپۆرتی ئەنجومەنی شێرپەنجەی عێراق لەسەر بنەمای سیستەمی تۆماركردن و دەستنیشانكردنە كە ئەمەش ئەوە دەگەیەنێت  ڕاستی و ووردی و دروستی لە هەولێر لە باشترین ئاستدایە بۆ تۆماركردن و دۆزینەوەی حاڵەتەكان نەوەك دووربوونی نەخۆش لە چاوی دامودەزگای تەندروستی. 

2. کارامەیی پزیشک و كارمەندان و بەردەست بوونی پشکنینە پێویستەکان بۆ دەستنیشانکردن و دیاریکردنی نیشانەی پێشوەختە کاریگەری هەیە لەسەر زوو دەستنیشانکردنی نەخۆش و تۆمارکردن و پتەوی بەرنامەی ڕووپێوی .Screening 

3.دەستپێکردنی چارەسەری زوو بەردەست بوونی گشت چارەسەرەکان لە دەرمان و تیشک و نەشتەرگەری کاریگەری هەیە لەسەر تەمەن درێژی نەخۆش و مانەوەی لە نێو لیستی تۆمارەکان لەبەر ئەوەشە ڕێژەی تەمەن (75) ساڵە لەكاتێكدا (71) ساڵە لە عێراقدا. 

4. بەپێی ئەم ڕاپۆرتەی خوارەوەی عێراق لە 49%ی نەخۆشانی شێرپەنجە خەڵكی ئاوارە و پەناهەندە و دەرەوەی هەرێمە لەگەڵ خەڵكی ناوەڕاست و خواروی عێراق كە ڕوو لەشاری هەولێر دەكەن و بەمەش ژمارەی درووستی نەخۆشان لەشاری هەولێر زۆر كەمترە لە ڕێژەی ڕاگەیەندراو.

5. سەرەرای ئەم هۆکارانەی سەرەوە وەکو کەرتی تەندروستی لە شاری هەولێری خۆسەویست بەردەوامین لەخزمەتکردنی نەخۆش لەم سەنتەرانەی خوارە 

1. نەخۆشخانەی نانەکەلی

2. سەنتەری شێرپەنجە لە نەخۆشخانەی رزگاری.

3. سەنتەری ئاوات بۆ چارەسەر بە تیشک.

به‌گوێره‌ی خشته‌یه‌كیش كه‌ ته‌ندروستی هه‌ولێر بڵاویكردۆته‌وه‌، 49.3%ی توشبوانی شێرپه‌نجه‌ له‌سه‌رتاسه‌ری عێراق و هه‌رێم له‌ نه‌خۆشخانه‌كانی هه‌ولێردان و 30.8%شیان له‌ دهۆك و 5.3%یان له‌ سلێمانین.