لایک
نێچیرڤان بارزانی سه‌رۆكی هه‌رێمی كوردستان-عێراق، به بۆنه‌ی هاتنی جه‌ژنی ره‌مه‌زان، گه‌رمترین پیرۆزبایی ئاراسته‌ی ته‌واوى موسڵمانان دەكات، هه‌روه‌ها له عێراق و جیهان، به‌تایبه‌تيش له بنه‌ماڵه و كه‌سوكارى شەهیدان كرد، ئه‌مه‌ش ده‌قه‌كه‌یه:
هاتنه‌وه‌ى جه‌ژنى پیرۆزى ڕه‌مه‌زان له ته‌واوى موسڵمانان، هه‌روه‌ها له عێراق و جیهان، به‌تایبه‌تيش له بنه‌ماڵه و كه‌سوكارى شه‌هیدان پیرۆز بێت، هيوادارم هه‌مووان جه‌ژن و پشوویه‌كى ئارام و ئاسووده و پڕ له كامه‌رانى به‌سه‌ر به‌رن و به خێر و خۆشى بۆ هه‌موو لايه‌ك بگه‌ڕێته‌وه.
ئه‌م جه‌ژنه پيرۆزه، بۆنه و ده‌رفه‌تێكه بۆ ئه‌وه‌ى هه‌موومان پابه‌نديمان به مانا و به‌ها و په‌يامه باڵاكانى له پێكهاتنه‌وه، لێبورده‌يى، ئاشته‌وايى، لێكخۆشبوون و مرۆڤدۆستييه‌وه نوێ بكه‌ينه‌وه، به په‌يوه‌ندييه‌كانماندا بچينه‌وه و له‌سه‌ر بنه‌ماى ڕێز و خۆشه‌ويستى، دۆستايه‌تى و هاريكارى، دايانبڕێژينه‌وه.
هيوادارم جه‌ژن و بۆنه‌كانى داهاتوو، بۆ هه‌مووان له دۆخ و ڕۆژگار و ژيان و گوزه‌رانێكى باشتردا بێنه‌وه و هه‌موومان پێكه‌وه له هه‌رێم و عێراق، يه‌كڕيز و ته‌با، بتوانين باشتر خزمه‌تى گه‌ل و نيشتمان بكه‌ين.
جه‌ژن له هه‌مووان پیرۆز بێت، هه‌موو ساڵێك به خۆشى.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
