وەزارەتی پێشمەرگەی حکومەتی هەرێم وادەی دابەشکردنی هاوکارییەکانی هاوپەیمانانی ڕاگەیاند و دەشڵێت”چیتر وەک مووچە نادرێت”.
لە راگەیەندراوێکدا وەزارەتی پێشمەرگەی حکومەتی هەرێم رایگەیاند، لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت ، ڕۆژی پێنج شەممە٨ ی ئابی ٢٠٢٤ دەست بەدابەشکردنی هاوکاری مانگی ٧ دەکرێت.
ئاماژەی بەوەشداوە، ئەم برە پارەیە لێرە بەدواوە وەک هاوکاری دەدرێت بە هێزی پێشمەرگە و هیچ پەیوەندیەکی بە مووچەوە نیە.
دوێنێ میدیاکان وا بلاویانکردەوە کە ئەمڕۆ هاوکارییەکانی هاوپەیمانان دابەشدەکرێت، هەر ئەمڕۆ وەزارەتی پێشمەرگە سەرجەم ئەو هەواڵانەی بەناڕاست ناوبرد.