کەمێک پێش ئێستا شاندێکی حکومەتی هەرێم بە سەرۆکایەتی رێبەر ئەحمەد گەیشتە بەغداد و بڕیارە لەگەڵ عومەر وائلی سەرۆکی دەستەی دەروازە سنوورییەکانی عێراق کۆببنەوە.
بەپێی زانایارییەکان ئامانجی سەردانەکەی شاندی هەرێم ئەنجامدانی کۆبوونەوەیە لەبارەى پرسی خاڵە سنوورییەکان و ئەو کێشانەى پەیوەستن بە پرسی گومرگ و رسووماتى خاڵە سنوورییەکان لە یاسای بودجەى گشتیى عێراقدا.
بەگوێرەى یاسای بودجەى گشتیى عێراق، دەبێت هەرێم 50%ـی داهاتى خاڵە سنوورییەکانی رادەستى وەزارەتى دارایی بکات وەک یەکێک لە مەرجەکانى ناردنى پشکەکەى لە بودجەدا، کە زیاتر لە 16 تریلیۆن دینارە بۆ ساڵێک.