پارێزگای هەولێر رایگەیاند، دوو شوێن بەمەبەستی دروستكردنی شوقە بۆ كرێنشینان دیاریكراون، لەداهاتویەكی نزیكیشدا تیروپشك بۆ ئەو كەسانە دەكرێت كە فۆڕمیان پڕكردۆتەوە و پاشانیش دەست بەدروستكردنی شوقەكان دەكرێت.
پارێزگای هەولێر لەڕاگەیەندراوێكدا بڵاویكردەوە، لە سەر ڕاسپاردە و فەرمانی مەسرور بارزانی سەرۆكی حكومەت و لەچوارێوەی دروستكردنی 20 هەزار یەكەی نیشتەجێبون بۆ كرێنشینان، لە هەولێر دو شوێن بۆ شوقەی كرێنشینان دیاریكراون ئەوانیش ناوچەی گەڕەسۆر لە بنەسڵاوە و باغلو منارەیە.
ئاماژەی بەوەشكردووە، لە ئایندەیەكی نزیكدا دەست بە پڕۆژەی یەكەی نیشتەجێبون بۆ كرێنشینان دەكرێت و دواكەوتنی پڕۆژەكەش بۆ گۆڕینی ڕەگەزی زەوی پڕۆژەكە دەگەڕێتەوە و هیچ هۆكارێكی دیكەی نەبوە، لە ئێستاشدا ئامادەكاری تەواو كراوە و لە ئایندەیەكی نزیكیدا وەبەرهێنەر دەست بەجێبەجێكردنی پڕۆژەكە دەكات.
ئەوەشی روونكردۆتەوە، بۆ ئەو فۆرمانەی كە لەلایەن كرێنشینانیش پڕكراوەتەوە لە دیوانی پارێزگای هەولێر تیرۆرپشك بۆ ناوی كرێنشینان دەكرێت و دواتر دەست بە پرۆژەكە دەكرێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
