وتەبێژی بزوتنەوەی گۆڕان رایگەیاند، کۆبوونەوەی ئەمڕۆیان لەگەڵ یەکێتی لەسەر دۆسیەی سیاسی و کارگێری و ئاسایشی هەرێمی کوردستان و عێراق بووە، هەروەها پرسەکانی پاراستنی ئاسایشی خەڵکی هەرێم و بژێوی ژیانیان و دابینکردنی مافی مامۆستایان و هەڵبژاردنی هەرێمیان تاوتوێ کردووە.
دلێرعەبدولخالق وتەبێژی بزوتنەوەی گۆڕان لە کۆنفرانسێکی رۆژنامەوانیدا رایگەیاند، لە کۆبوونەوەی ئەمڕۆیان لەگەڵ شاندی باڵای یەکێتی لەبارەی سێ دۆسیەی جیاوازەوە کە پەیوەستە بە دۆخی سیاسی و کارگێری و ئاسایشی هەرێم و عێراق گفتوگۆیان کردووە.
ئاماژەی بەوەشکرد، باسیان لە دۆزینەوەی رێگایەک بۆ پاراستنی خەڵکی هەرێم لەو ئاڵنگارییە ئەمنیانەی رووبەرووی عێراق دەبێتەوە کردوە، بۆ ئەوەی هەرێم نەبێتە بەشێک لە ململانێکانی ئێستای رۆژهەڵاتی ناوەڕاست.
ئەوەشی خستەڕوو، دۆخی ئەمنی ناوچەکە لە ئێستادا مەترسی لەسەرە، بڕیاری دروست ئەوەیە سەرجەم لایەنە سیاسییەکانی بەشداربووی حکومەت و ئۆپۆزسیۆنیش لەسەر ستراتیژییەکی نیشتمانی رێککبکەون.
دلێرعەبدولخالق باسی لەوەشکرد، یەکێکی دیکە لەو پرسانەی کە لەگەڵ یەکێتی گفتوگۆیان لە بارەوە کرد، کێشەی بژێوی ژیانی هاوڵاتیان نەبوونی مووچە و کێشە هەڵپەسەرێدراوەکانی نێوان حکومەتی هەرێم و بەغداد بوو.
ئەوەشی ئاشکراکرد، هەموو هەوڵێک دەدەن بۆ چارەسەرکردنی ئەو کێشانەی باسکران و جەخت لە مافی مامۆستایان دەکەنەوە، لایەنە سیاسییەکان دەبێت هەموو هەوڵێک بدەن بۆ چارەسەرکردنی ئەو کێشانەی ئێستا لە ئارادایە.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
