سەرۆکوەزیرانی عێراق ڕایدەگەیەنێت، بەرهەمهێنانی وزە لەمساڵدا باشتردەبێت لەگەڵ جێبەجێکردنی بەرنامەی حکومەت و لە دوو ساڵی داهاتوودا عێراق پشت بە بەرهەمهێنانی غاز دەبەستێت و هاوردەکردنی ڕادەگرێت.
شاندێکی هاوپەیمانی دەوڵەتی یاسا بە سەرۆکایەتی نوری مالیکی لەگەڵ محەمەد شیاع سوودانی کۆبوونەوە و ڕاگەیەندراوێکییان بڵاوکردەوە.
لە ڕاگەیەندراوەکەدا هاتووە، دۆخی ئێستای عێراق و کارەبا و دۆسیەی ئاو و جوڵە هەرێمی و ناوخۆییەکان و سنوور تاوتوێ کران.
لەمیانی کۆبوونەوەکەدا سەرۆک وەزیرانی عێراق ڕایگەیاندوە، بەرهەمهێنانی وزە لەمساڵدا باشتردەبێت لەڕێگەی جێبەجێکردنی بەرنامەی حکومەت و پلانێک بۆ بەرەوپێشبردنی کەرتی کارەبا و باشترکردنی.
سوودانی وتویەتی؛ لە ماوەی دوو ساڵدا عێراق پشت بە بەرهەمهێنانی غاز دەبەستێت و هاوردەکردنی غازی سروشتی لە دەرەوە ڕادەگرێت و بەو هەنگاوەش بەرهەمهێنانی کارەبا باشتردەبێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
