سه‌رۆکكۆماری عێراق و سكرتێری گشتی نه‌ته‌وه‌یه‌كگرتووه‌كان لە نیویۆرک له‌باره‌ی قه‌یرانی ئاو و وشكه‌ساڵی له عێراق كۆبوونه‌وه.
به‌گوێره‌ی راگه‌یه‌ندراوی سه‌رۆكایه‌تی كۆماری عێراق، له په‌راوێزی كۆڕبه‌ندی ئاو له نیویۆرک، هه‌ریه‌ک له له‌تیف ره‌شد سه‌رۆکكۆماری عێراق و ئه‌نتۆنیۆ گۆتێرێس، سكرتێری گشتی نه‌ته‌وه‌یه‌كگرتووه‌كان، له نیویۆرک، به ئاماده‌بوونی فوئاد حوسێن، وه‌زیری ده‌ره‌وه و نزار ئامێدی، وه‌زیری ژینگه‌ی عێراق و ئه‌سعه‌د ئه‌لعیدانی، پارێزگاری به‌سره كۆبوونه‌وه، تیایدا تاووتوێی ده‌ره‌نجامه‌كانی كۆڕبه‌ندی ئاو له نیویۆركیان كرد.
هه‌ر له كۆبوونه‌وه‌كه‌دا، تیشک خرایه‌سه‌ر ئه‌و كێشانه‌ی كه به‌هۆی كه‌می ئاوه‌وه دووچاری عێراقییه‌كان بووه‌ته‌وه، وه‌ک ده‌ركه‌وتنی دیارده‌ی به بیابانبوون و وشكه‌ساڵی له زۆربه‌ی ناوچه‌كانی عێراق، كه كاریگه‌ری خراپی كردووه‌ته‌سه‌ر زۆربه‌ی بواره‌كانی ژیان له‌و وڵاته.
گۆتێرێس له‌مباره‌یه‌وه رایگه‌یاند، هه‌ست به نیگه‌رانییه‌كانی عێراق ده‌كه‌م له‌باره‌ی وشكه‌ساڵی و كه‌مبوونه‌وه‌ی ئاو، له‌كاتێكدا خاوه‌نی دوو رووباری گه‌وره‌ی وه‌ک دیجله و فوراته.
سكرتێری گشتی نه‌ته‌وه‌یه‌كگرتووه‌كان پاڵپشتی ئاژانسه نێوده‌وڵه‌تییه‌كانی بۆ پشتگیریكردنیان له عێراق دووپاتكرده‌وه، بۆ كه‌مكردنه‌وه‌ی كاریگه‌رییه‌كانی وشكه‌ساڵی و كه‌مبوونه‌وه‌ی ئاو له عێراق.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
