كۆریای باشوور: کۆریای باکوور لەمساڵەدا سێ هەزار سەربازی ڕەوانەی رووسیا کردووە

0

لایک

0

كۆریای باشوور ئه‌مڕۆ پێنجشەممە ڕایگەیاند، کۆریای باکوور لەمساڵەدا سێ هەزار سەربازی دیکەی ڕەوانەی رووسیا کردووە، ئەوەش دوای ئەوەی پێشتر 11 هەزار سەربازی دیکەی ناردبوو بۆ پاڵپشتیکردنی سوپای رووسیا لە لەشکرکێشییەکەی بۆ سەر ئۆکرانیا، ده‌شڵێت، پیۆنگیانگ هەروەها بەردەوامە لە دابینکردنی مووشەک، تۆپ و تەقەمەنی بۆ مۆسکۆ.

ئەرکانی گشتی کۆریای باشوور لە بەیاننامەیەکدا ڕایگەیاندووە، “سێ هەزار سەربازی دیکە وەک هێزی بەهێزکردن لە نێوان مانگەکانی یەکەم و دووەمدا نێردراون، له‌كاتێكدا نزیکەی چوار هەزار سەربازی کۆریای باکوور لە بەرەکانی پێشەوە کوژراون یان برینداربوون، لە کۆی 11 هەزار سەربازی کۆریای باکوور کە لەلایەن پیۆنگیانگەوە بۆ پشتگیریکردنی هاوپەیمانەکەی نێردراون.

بەگوێرەی بەیاننامەکە، کۆریای باکوور بەردەوامە لە دابینکردنی، “موشەک و کەرەستەی تۆپخانە و تەقەمەنی” بۆ رووسیا. 

کۆریای باکوور و رووسیا لە چەند مانگی ڕابردوودا هاوکاری سەربازی خۆیان بەهێزتر کردووە، بەتایبەتی بە واژۆکردنی ڕێککەوتنێکی هاوبەشی بەرگری، ڕۆژئاوا کۆریای باکوور تۆمەتبار دەکات بەوەی هێزەکانی ناردووە بۆ شەڕی شانبەشانی سوپای رووسیا لە دژی سوپای ئۆکرانیا، بەڵام مۆسکۆ و پیۆنگیانگ ئەوەیان پشتڕاست نەکردوەتەوە.