وتەبێژی حکومەتی هەرێم رایگەیاند، دوو پەیامیان هەیە کە یەکێکیان بۆ لایەنەکانی هەرێمە و داوا دەکەن هەمووان پێکەوە بچنە گفتوگۆکانەوە لەبارەی پرسی یاسای نەوت و گاز، داواش لە لایەنەکانی عێراق دەکەن کە پشک و ماف و شایستە داراییەکانی هەرێم بدەن.
پێشەوا هەورامانی، وتەبێژی حکومەتی هەرێم ئەمشەو لە کۆنگرەیەکی رۆژنامەوانیدا رایگەیاند، “حکومەتی هەرێم خواستی ئەوەیە کە مافی خەڵکی کوردستان لە بەغدا پارێزراو بێت و لەمبارەیەوە دو پەیاممان هەیە کە یەکەمیان بۆ لایەنەکانی هەرێم و لایەنەکانی عێراقییە”.
ئاماژەی بەوەشکرد، ئێستا پرسی پڕۆژە یاسای بودجە ئەولەویەتە و جیاوازە لە پڕۆژەی بودجە و داوا لەلایەنەکانی هەرێم دەکەن کە پێکەوە بچنە پێشەوە و گفتوگۆ لەسەر ئەو پرسە بکەن لەگەڵ بەغداد و ئەم بابەتە جیاوازە لە بابەتی بودجە چونکە بۆ ماوەیەکی زیاترە.
وتەبێژی حکومەتی هەرێم وتیشی، “پەیامی ئێمە بۆ لایەنەکانی عێراق ئەوەیە کە پشک ماف و بەرکەوتەی هەرێم بدەن لە دەرەوەی ئەوە شتی دیکە قبوڵکراو نیە، ئێستاش گفتوگۆکانی نێوانمان لەوبارەیەوە هێشتا لەسەرەتادایە، نامانەوێت ئەوەی لە پڕۆژی یاسای بودجە روویدا لە پڕۆژە یاسای نەوت و غاز دوبارەببێتەوە”.
پەیوەست بەگرانکردنی نرخی کارەبا لە کۆمەڵگەکانی نیشتەجێبوون، پێشەوا هەورامانی وتی، “وەکو قۆناغی سەرەتا پلانەکە لە هەندێک لە سیتییەکان جێبەجێکراوە و ئەگەر سەرکەوتنی بەدەستهێنا ئەوا پڕۆژەکە دەکرێتە سەرتاسەری بەڵام پڕۆکە سوودی زۆری هەیە و رێکخستن و چاکسازی هەمیشە بەربەستی هەیە بەڵام ئێمە بەبێ گوێدانە بەربەستەکان بەردەوام دەبێت”.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
