به‌ڕێوه‌به‌رایه‌تی گشتی كه‌شناسی و بوومه‌له‌رزه‌زانی هه‌رێم رایگه‌یاند، ئه‌مڕۆ و سبه‌ینێ كه‌شوهه‌وای ناوچه جیاجیاكانی هه‌رێم ئاسایی ده‌بێت و پله‌كانی گه‌رماش كه‌مێك روو له‌به‌رزبوونه‌وه ده‌كه‌ن، نزمترین پله‌ی گه‌رماش له حاجی ئۆمه‌ران ده‌بێت كه 29 پله‌ی سیلیزیه.
به‌ڕێوه‌به‌رایه‌تی گشتی كه‌شناسی و بوومه‌له‌زره‌زانی هه‌رێم له‌راگه‌یه‌ندراوێكدا بڵاویكرده‌وه، ئه‌مڕۆ سێشه‌ممه ئاسمان ساماڵ و په‌ڵه هه‌ورده‌بێت، پله‌كانی گه‌رما نزیك ده‌بنه‌وه له تۆماركراوه‌كانی دوێنێ.
ئاماژه‌ی به‌وه‌شكردوه، سبه‌ی چوارشه‌ممه به‌هه‌مانشێوه‌ی ئه‌مڕۆ ئاسمان ساماڵ و په‌ڵه هه‌ور ده‌بێت، له‌گه‌ڵئه‌وه‌شدا پله‌كانی گه‌رما كه‌مێك به‌رز ده‌بنه‌وه به‌راورد به تۆماركراوه‌كانی ئه‌مڕۆ.
به‌رزترین پله‌كانی گه‌رمای پێشبینیكراو به پله‌ی سیلیزی :
هه‌ولێر : 43
سلێمانی : 41
دهۆك : 41
هه‌ڵه‌بجه : 42
زاخۆ : 43
سۆران : 41
حاجی ئۆمه‌ران : 29
گه‌رمیان : 45
