سەرۆکی یەکێتیی نیشتمانیی کوردستان، بافڵ جەلال تاڵەبانی رایگەیاند، هەوڵەکانیان بۆ چارەسەرکردنی کێشەکانی نێوان هەرێم و بەغدا و پێشکەشکردنی خزمەتگوزاری زیاتر بۆ هاووڵاتییان بەردەوام دەبێت.
نووسینگەی راگەیاندنی سەرۆکی یەکێتیی نیشتمانیی کوردستان بڵاوی کردەوە، بافڵ جەلال تاڵەبانی لە دەباشان پێشوازی کرد لە سەرۆکی رەوتی حیکمەی نیشتمانیی، عەممار حەکیم.
لە راگەیەندراوەکەدا ئاماژە بەوە دراوە کە لە میانی کۆبوونەوەکەدا دوایین گۆڕانکارییە سیاسییەکان تاوتوێ کران و جەخت لە بەردەوامی دیالۆگی نیشتمانی و هەنگاوی بنیاتنەرانە لەپێناو پاراستنی سەقامگیری لە وڵات و سەرخستنی بەرنامەی چاکسازیی حکوومەت کرایەوە.
هەر لە میانی دیدارەکەدا بافڵ جەلال تاڵەبانی رایگەیاند: “هەوڵەکانمان بۆ چارەسەرکردنی کێشەکانی نێوان هەرێم و بەغدا و پێشکەشکردنی خزمەتگوزاری زیاتر بۆ هاوڵاتییان بەردەوام دەبێت و ئامانجمان بنیاتنانی داهاتوویەکی گەشتر و سەقامگیرترە بۆ خەڵکەکەمان”.
دوێنێ پێنجشەممە، سەرۆکی رەوتی حیکمەی نیشتمانیی، عەممار حەکیم بەمەبەستی بەشدارییکردن لە رێوڕەسمی کردنەوەی یادگەی نیشتمانیی بارزانی لە دەڤەری بارزان، گەیشتە هەولێر و بەشداریی لە رێوڕەسمی کردنەوەی یادگەکەدا کرد.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
