لایک
بەڕێوەبەرایەتی گشتیی كەشناسی و بوومەلەرزەزانی رەوشی كەشوهەوای 48 كاتژمێری داهاتووی ناوچەكانی هەرێمی كوردستان – عێراقی خستەڕوو و تێیدا ئاماژەی بەوە دا كە بەشێوەیەكی گشتی ئاسمان هەور دەبێت و لە هەندێك كات و ناوچەدا باران دەبارێت، بەڵام پلەكانی گەرما بەرزتر دەبنەوە.
كەشناسی سەبارەت بە كەشوهەوای ئەمڕۆ هەینی ڕایگەیاند “ئاسمان ساماڵ و پەڵەهەور دەبێت، لە ناوچە سنوورییەکانى پارێزگاى هەولێر (ئەربیل) هەندێکجار دەگۆرێت بۆ نیمچەهەور”.
ڕاشیگەیاند: “ئەمڕۆ هەینی پلەکانی گەرما بەرز دەبنەوە بە ڕێژەى (1-2) پلەی سیلیزى بەراورد بە تۆمارکراوەکانی دوێنێ پێنجشەممە”.
سەبارەت بە كەشوهەوای سبەی شەممە، كەشناسی ڕایگەیاند “ئاسمان بە گشتى ساماڵ و پەڵەهەور دەبێت، هەندێک کات لە ناوچە شاخاوییە سنوورییەکانى هەردوو پارێزگاى هەولێر (ئەربیل) و دهۆک دەگۆڕێت بۆ هەورى تەواو لە گەڵ کەمێک نمەباران”.
ئاماژەی بەوەش دا كە سبەی شەممە پلەکانی گەرما کەمێکی دیكەش بەرزتر دەبنەوە بە ڕێژەى (1-2) پلەى سیلیزى”.
كەشناسی پلەكانی گەرمای پێشبینیكراوی ناوچەكانی هەرێمی بەمشێوەیەی خوارەوە خستەڕوو:-
هەولێر (ئەربیل): 29 پلە
سلێمانی: 27 پلە
دهۆک: 29 پلە
زاخۆ: 30 پلە
هەڵەبجە: 25 پلە
سۆران: 28 پلە
حاجی ئۆمەران: 9 پلە
گەرمیان: 32 پلە
