محەمەد شیاع سوودانی، سەرۆکوەزیرانی عێراق لە کۆنگرەیەکی هاوبەشدا لەگەڵ مەسرور بارزانی، سەرۆکوەزیرانی هەرێم رایگەیاند، رێککەوتنی نێوان هەولێر و بەغداد بۆ هەموو عێراق گرنگە و دوای واژۆکردنی راستەوخۆ جێبەجێدەکرێت.
سوودانی لە کۆنگرە رۆژنامەوانییەکەدا وتیشی، “هەناردەکردنەوەی نەوتی هەرێمی کوردستان بۆ هەموو عێراق سوودی دەبێت و راگرتنی لە بەرژەوەندی هیچ لایەنێکدا نەبووە”.
ئاماژەی بەوەشکرد، “لە ئێستادا کار لەسەر ئامادەکردنی یاسای نەوت و گاز دەکەین”.