لە ڕەمەزاندا 122 ملیۆن کەس سەردانی مەککە و مەدینەیان کردووە
ده‌سته‌ی گشتیی سه‌رپه‌رشتیی كاروباری مه‌ككه و مزگه‌وتی مه‌دینه ئاماژه به ژماره‌ی عومره‌كاران و زیاره‌تكارانی هه‌ردوو مزگه‌وته‌كه ده‌كات له مانگی ڕه‌مه‌زاندا.
ڕۆژی دووشه‌ممه، 31ـی ئاداری 2025، ده‌سته‌ی گشتیی سه‌رپه‌رشتیی كاروباری مه‌ككه و مزگه‌وتی مه‌دینه ڕایگه‌یاند، له مانگی ڕه‌مه‌زانی ئه‌م ساڵدا 122 ملیۆن و 286 هه‌زار و 712 عومره‌كار و نوێژكه‌ر سه‌ردانی هه‌ردوو مزگه‌وته‌كه‌یان كردووه بۆ به‌جێهێنانی فه‌ریزه‌ی نوێژ و سوننه‌تی عومره.
ده‌سته‌ی گشتیی سه‌رپه‌رشتیی كاروباری مه‌ككه و مزگه‌وتی مه‌دینه ئاماژه‌ی به‌وه كردووه، له كۆی ئه‌م ژماره‌یه‌دا 16 ملیۆن و 558 هه‌زار و 241 عومره‌كار سه‌ردانی هه‌ردوو مزگه‌وته‌كه‌یان كردووه.
هه‌روه‌ها ده‌سته‌كه ئه‌وه‌ی خستووه‌ته ڕوو، 75 ملیۆن و 573 هه‌زار و 928 كه‌س نوێژیان له مه‌ككه كردووه و 30 ملیۆن و 154 هه‌زار و 543 كه‌سی دیكه‌ش نوێژیان له مزگه‌وتی پێغه‌مبه‌ر (د.خ) له مه‌دینه كردووه.
ده‌سته‌ی گشتیی سه‌رپه‌رشتیی كاروباری مه‌ككه و مزگه‌وتی مه‌دینه تەکنەلۆژیای پێشکەوتوو بەکار دەهێنێت بۆ چاودێریکردنی ژمارەی نوێژكه‌ران و عومره‌كان و حاجییان.