كه‌شوهه‌وای رۆژانی نه‌ورۆز راگەیەندرا

به‌شی پێشبینی وه‌زاره‌تی گواستنه‌وه‌ و گه‌یاندن ڕه‌وشی كه‌شوهه‌وای نه‌ورۆز و سێ ڕۆژی داهاتووی شار و ناوچه‌كانی هه‌رێمی خسته‌ڕوو و تێیدا ئاماژه‌ی به‌وه‌دا كه‌ پێشبینی ده‌كرێ له‌ هه‌رسێ رۆژه‌كه‌دا باران ببارێت.

به‌شی زۆری هاووڵاتییانی هه‌رێم له‌ شار و شارۆچكه‌كان بۆ ئه‌نجامدانی گه‌شت و سه‌یران له‌ رۆژانی نه‌ورۆزدا چاودێری ڕه‌وشی كه‌شوهه‌وای ناوچه‌ گه‌شتیارییه‌كان ده‌كه‌ن.

بۆ ئه‌م مه‌به‌سته‌ به‌شی پێشبینی وه‌زاره‌تی گواستنه‌وه‌ و گه‌یاندن ره‌وشی كه‌شوهه‌وای ناوچه‌كانی هه‌رێمی بۆ سێ رۆژی داهاتوو بڵاو كرده‌وه‌.

سه‌باره‌ت به‌ سبه‌ی سێشه‌م كه‌ رۆژی نه‌ورۆزه‌ رایگه‌یاند: به‌شێوه‌یه‌كی گشتی ئاسمان هه‌ور و باراناوی ده‌بێت، كه‌شوهه‌واش سارد ده‌بێت.

بۆ دووسبه‌ی چوارشه‌م ئاسمان به‌هه‌مانشێوه‌ هه‌ور و نیمچه‌هه‌ور ده‌بێت، هه‌روه‌ها ئه‌گه‌ری بارانباریش هه‌یه‌.

رۆژی پێنجشه‌میش پێشبینی كراوه‌ ئاسمان دیسان هه‌ور بێت و هه‌روه‌ها ئه‌گه‌ری نمه‌بارانیش له‌ ناوچه‌كان هه‌یه‌.