سەرۆکوەزیرانی عێراق، محەمەد شیاع سوودانی پاڵپشتی وڵاتەکەی بۆ لوبنان دووپات کردەوە و ڕایگەیاند کە “دەستدرێژییەکانی زایۆنی بۆ سەر غەززە و لوبنان، بوونەتە مایەی ھەڕەشە بۆ سەر ئاسایش و سەقامگیریی ناوچەکە”.
نووسینگەی ڕاگەیاندنی سەرۆکوەزیرانی عێراق لە ڕاگەیاندراوێکدا ئاماژەی بەوەداوە کە محەمەد شیاع سوودانی پەیوەندییەکی تەلەفۆنی لەگەڵ سەرۆکوەزیرانی لوبنان، نەجیب میقاتی ئەنجامداوە.
ڕاشیگەیاندووە کە لە پەیوەندییە تەلەفۆنییەکەدا، سەرۆکوەزیرانی بەھۆی کوژرانی سکرتێری گشتی حزبوڵڵا، حەسەن نەسڕوڵڵا و ژمارەیەک فەرماندەی دیکەی حزبوڵڵا کە ڕۆژی ھەینی لە ئاکامی ھێرشی ئاسمانی ئیسرائیلدا بۆ سەر بەیروت کوژران، سەرەخۆشی خۆی ئاراستەی نەجیب میقاتی کردووە.
باسی لەوەش کردووە کە لە میانی پەیوەندییە تەلەفۆنییەکەدا، سوودانی ھەروەھا پاڵپشتی وڵاتەکەی بۆ لوبنان دووپات کردووەتەوە و جەختیشی کردووەتەوە لەسەر پێویستی ھەماھەنگی ھەوڵەکانی وڵاتانی عەرەبی و ئیسلامی، لەپێناو وەستاندنی هێرشەکانی ئیسرائیل بۆ سەر غەززە و لوبنان.
ئەوەشی خستووەتەڕوو کە سەرۆکوەزیرانی عێراق، محەمەد شیاع سوودانی ڕاشیگەیاندووە، “بەردەوامبوونی دەستدرێژییەکانی زایۆنی بۆ سەر غەززە و لوبنان، بوونەتە مایەی ھەڕەشە بۆ سەر ئاسایش و سەقامگیریی ناوچەکە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
