رووداوێکی هاتووچۆ ژمارەییەک قوربانی لێکەوتەوە

لە رووداوێکی هاتووچۆدا لە هەڵەبجە سێ کەس گیانیان لەدەستدا و برینداریش هەن.

رووداوەکە لە رێگەی دەروازەی هەڵەبجە روویداوە. تەکسییەک خۆی کێشاوە بە تراکتۆرێکدا و سێ سەرنشینی گیانیان لەدەستداوە. 

بەگوێرەی زانیارییەکان، هەردوو شۆفێری تەکسییەکە و تراکتۆرەکە بە برینداری براونەتە نەخۆشخانەی فریاکەوتنی هەڵەبجە.

پێکدادانەکە زۆر سەخت و خوێناوی بووە. تەکسییەکە بەتەواوی تێکشکاوە و تراکتۆرەکەش بەشێکی لێبووەتەوە. 

ئاکام قوتبەدین، وتەبێژی پۆلیسی هاتووچۆی پارێزگای هەڵەبجە وتی شۆفێری تەکسی و تراکتۆرەکە و سەرنشینێک  بریندارن:

ئیبراهیم جەبار، شۆفێری تراکتۆرەکەیە و تەمەنی 23 ساڵە

عەلی، شۆفێری تەکسییەکەیە و تەمەنی 65 ساڵە

ستار جەبار، سەرنشینی تەکسییەکە بووە و بریندارە

هاوکات ناسنامەی قوربانییان بڵاوکراوەتەوە بەمشێوەیەن:

بێستوون ئەحمەد حەمەساڵح؛ تەمەنی 51 ساڵ بوو

پەروین محەممەد قادر؛ تەمەنی 62 ساڵ بوو

ئەحمەد محەممەد حوسێن؛ تەمەنی 80 ساڵ بوو