جۆو بایدن، سەرۆکی ئەمەریکا لە رێگەی تەلەفۆنەوە پەیوەندی بە محەممەد شیاع سوودانی، سەرۆکوەزیرانی عێراقەوە کرد و تاوتوێی شەڕی نێوان ئیسرائیل و حەماس و ناردنی کۆمەکی مرۆییان بۆ غەززە کرد.
بە پێی راگەیەندراوێکی کۆشکی سپی، سەرۆکی ئەمەریکا و سەرۆکوەزیرانی عێراق گفتوگۆیان لەبارەی ئەو هەوڵانە کردووە کە رێگری لە تەشەنەکردن و بەرفراوانبوونی زیاتری شەڕی نێوان حەماس و ئیسرائیل دەکەن. هاوکات هەردوولا تاوتوێی دۆخی مرۆیی غەززە و ناردنی کۆمەکی مرۆییان بۆ ناوچە کرد بە هەماهەنگی نەتەوە یەکگرتووەکان و وڵاتانی ناوچەکە.
کۆشکی سپی ئاماژەی بەوە داوە، لە پەیوەندییە تەلەفۆنییەکەدا، بایدن و سوودانی جەختیان لە برەودان بە پەیوەندییەکانی نێوان واشنتن و بەغدا کردووەتەوە ئەوەش لە چوارچێوەی رێککەوتنامەی ستراتیژی نێوان هەردوو وڵات.
کۆشکی سپی ئاماژەی بەوە داوە، سەرۆکی ئەمەریکا و سەرۆکوەزیرانی عێراق پابەندی خۆیان بە هەماهەنگی بەردەوامی تیمی هەردوولا دووپاتکردووەتەوە بە ئامانجی بەرەوپێشبردنی ئامانجە هاوبەشەکان و پاراستنی سەقامگیری ناوچەکە.
لە 7ی تشرینی یەکەمی 2023، لیواکانی قەسامی سەر بە بزووتنەوەی حەماس دەستپێکردنی “ئۆپەراسیۆنی گەردەلوولی ئەقسا”یان لە دژی ئیسرائیل ڕاگەیاند، هەزاران موشەکیان هەڵدا و سەدان هاووڵاتی کوژران و برینداربوون، لەگەڵ گرتنی سەدان سەربازی ئیسرائیلی، هاوکات ئیسرائیل بە بۆردومانی توند وەڵامی دایەوە و غەززەی کردە ئامانج.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
