شاندێکى پارتى لە کەرکووک سەردانى بەرەى تورکمانى کرد
شاندێکى پارتی دیموکراتی کوردستان لەکەرکوک، سەردانی بەرەی تورکمانی عێراقی کرد و لەمیانی دیدارێکدا پێداچوونەوەیان بە دۆخی سیاسی عێراق و کەرکووک کرد.
نوسینگەی راگەیاندنی بەرەی تورکمانی رایگەیاندووە، ئەمڕۆ سێشەممە 26ی ئاداری 2024، حەسەن توران، سەرۆکی بەرەی تورکمانی عێراقی و سەرۆکی لیستی بەرەی یەکگرتووی تورکمانی عێراق، پێشوازیی لە شاندێکی لقی کەرکوکی پارتی دیموکراتی کوردستان بە سەرۆکایەتی محەمەد کەمال کرد.
بەپێی راگەیەندراوەکە لە میانی دیدارەکەدا پێداچوونەوە بە دۆخی سیاسی عێراق و کەرکووک کرا، هەروەها جەختکرایەوە لەسەر لەسەر بەهێزکردنی گفتوگۆ لەنێوان پێکهاتەکانی ئەو شارە و کارکردن بۆ پێشکەشکردنی باشترین خزمەتگوزاری بۆ هاوڵاتیانی کەرکووک بە شێوەیەک کە گەرەنتی داهاتوویەکی باشتر بۆ گەلەکەی بکات.