محەمەد شیاع سوودانی، سەرۆکوەزیرانی عێراق گەیشتە هەرێم و لە فڕۆکەخانەی نێودەوڵەتیی هەولێر(ئەربیل) لەلایەن مەسرور بارزانی، سەرۆکوەزیرانی هەرێمەوە پێشوازی لێکرا.
ئەمڕۆ سێشەممە 14-03-2023، محەمەد شیاع سوودانی، سەرۆکوەزیرانی عێراق، بە یاوەری شاندێک گەیشتە هەرێم و لەلایەن مەسرور بارزانی، سەرۆکی حکومەتی هەرێم، لە فڕۆکەخانەی نێودەوڵەتی هەولێر پێشوازی لێکرا.
بڕیارە هەر ئەمڕۆ سەرۆکوەزیرانی عێراق لەگەڵ هەریەک لە مەسعود بارزانی، سەرۆکی پارتی دیموکراتی کوردستان و نێچیرڤان بارزانی، سەرۆکی هەرێم و مەسرور بارزانی، سەرۆکی حکومەتی هەرێم کۆببێتەوە.
بەگوێرەی زانیارییەکان، دوای کۆبوونەوەی لەگەڵ بەرپرسانی باڵای هەرێم لە هەولێر، سوودانی بە مەبەستی بەشداریکردن لە دیداری زانکۆی ئەمەریکی لە سلێمانی، سەردانی شاری سلێمانی دەکات.