سەرۆک وەزیرانی عێراق رایگەیاند، پیرۆزبایی ئاراستەی تەواوی گەلی عێراق دەکات بەبۆنەی تەواوبوونی هەڵبژاردنی ئەنجوومەنی پارێزگاکان کە لەساڵی 2013ـەوە لە کەرکوکیش لە ساڵی 2005ـەوە ئەنجامنەدراوە.
ئەمڕۆ دووشەممە، محەمەد شیاع سوودانی سەرۆک وەزیرانی عێراق رایگەیاند، هەڵبژاردنی ئەنجوومەنی پارێزگاکان مافێکی دەستووری گرنگە لە سیستەمی دیموکراسی و ئیداریدا بەو بۆنەیەوە پیرۆزبایی ئاراستەی تەواوی گەلی عێراق دەکەن بەهۆی کۆتایی ئەو پرۆسەیە.
ئاماژەی بەوەش کرد، هەڵبژاردنی ئەنجوومەنی پارێزگاکان هەنگاوێکی گرنگە بۆ پتەوکردنی ئاشتی و سەقامگیری کە لەساڵی 2013ـەوە لە سەرجەم پارێزگاکانی عێراق راگیراوە، جگە لە کەرکوک کە لەساڵی 2005ـەوە دواکەوتووە.
ئەوەشی خستەروو، سوپاسی سەرجەم هێزە ئەمنییەکان و کارمەندانی کۆمسیۆنی هەڵبژاردنەکان دەکەن لە سەرخستنی پرۆسەی هەڵبژاردن.
ئەمەش لە کاتێکدایە، ئەمڕۆ دەنگدانی گشتی بۆ هەڵبژاردنی ئەنجوومەنی گشتی پارێزگاکانی عێراق بڕێوەچوو لە کاتژمێر 7ـی بەیانییەوە دەرگای بنکەکانی دەنگدان بەڕووی زیاتر لە 15 ملیۆن دەنگدەردا کرانەوە و لە کاتژمێر 6ـیش هەڵبژاردن کۆتایی هات.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
4
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
