نووسینگەی راگەیاندنی محەمەد شیاع سوودانی رایگەیاند، ئەمڕۆ سەرۆکوەزیرانی عێراق پێشوازی لە یەشار گولەر، وەزیری بەرگری تورکیا و وەفدی یاوەری کرد.
لە راگەیەندراوێکدا نووسینگەی راگەیاندنی سەرۆک وەزیرانی عێراق ئاماژەی بەوە کرد، “لە کۆبوونەوەکەدا گفتوگۆ لەبارەی پەیوەندییەکانی نێوان هەردوو وڵات و گرنگی بەهێزکردنی هاوکارییە ئەمنییەکان لە گەیشتن بە ئاسایش و سەقامگیری بەغداد و ئەنقەرە کرا”.
ئەوەشی خستووەتەڕوو، “هەردوولا پەیوەندییە ئەمنییەکانی نێوان عێراق و تورکیایان روونکردەوە هەروەک چۆن لە ئاسایشی وڵاتانی دراوسێدا هەیە، هەروەها جەختیان لە گرنگی ئەو سەردانانە بۆ هەماهەنگی و لێکتێگەیشتنی زیاتری نێوان هەردوو وڵات لە بواری پاڵپشتیکردنی ئاسایش و سەقامگیریدا کردەوە”.
دەشڵێت، “سەرۆکوەزیران جەختی لە پابەندبوونی عێراق بەو پرەنسیپە دەستوورییانە کردەوە کە بەکارهێنانی خاکی عێراق بۆ هێرشکردنە سەر وڵاتانی دراوسێ قەدەغە دەکات و رێوشوێنی زۆریش لەو رووەوە گیراوەتەبەر بەتایبەتی لەسەر سنووری نێوان عێراق و تورکیا”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
