وتەبێژی حکومەتی عێراق رایگەیاند، سەرکۆنەی ئەو کردەوە تیرۆرستییە دەکەن کە لە شاری کرمانی ئێرانی روویدا، حکومەتی عێراق ئامادەیی خۆی دەردەبرێت بۆ هاوکاریکردنی ئێران بە هەموو شێوەیەک، تاوەکو ئازاری ئەو کردەوە تیرۆرستییە ترسنۆکانەیە کەمبکاتەوە.
باسم عەوادی وتەبێژی حکومەتی عێراق لە راگەیەنراوێکدا بڵاویکردەوە، سەرکۆنەی ئەو کردەو تیرۆررستییە دەکەن کە لە شاری کرمانی ئێرانی ئەنجامدرا و بەهۆیەوە ژمارەیەک هاوڵاتی کوژران یاخود برینداربوون.
وتەبێژی حکومەتی عێراق ئاماژەی بەوەشکردوە، عێراق هەماهەنگی حکومەت و گەلەکەی بۆ ئێران دەردەبرێت بەرامبەر ئەو رووداوە ئازاربەخشە، هەروەها ئامادەیی خۆیان بۆ هەموو جۆرەک هاوکارییەک دەخەنەڕوو، کە هاوکار بێت لە کەمکردنەوەی ئازاری ئەو کردەوە تیرۆرستییە ترسنۆکانەیە.
ئەوەش لە کاتێکدایە، ئەمڕۆ چوارشەممە لە رۆژی ساڵیادی کوژرانی قاسم سولەیمانی و ئەبو مەهدی موهەندس دوو تەقینەوە لە شاری کرمان لە کۆماری ئیسلامی ئێران روویداوە و بەهۆیەوە زیاد لە 100 کەس گیانیان لەدەستدا و دەیان کەسی دیکەش برینداربوون.
بە وتەی چەند سەرچاوەیەکی ئەمنی ئێران، ئەو دوو تەقینەوەیە لە رێگەی دوو بۆمبی چێندراوەوە ئەنجامدراوە و هەردوو بۆمبەکە لە نێو دوو جانتادا حەشاردراون و لە قەرەباڵغی بۆنەی ساڵیادی کوژرانی قاسم سولەیمانی دانراون.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
