سەرۆکی هەرێمی کوردستان-عێراق پێشوازی لە سه‌رۆککۆماری ئەرمینیا کرد و لە کۆبوونەوەیەکدا، باسیان له ده‌رفه‌ته‌کانی بره‌ودان به په‌یوه‌ندییه‌کانی ئەرمینیا له‌گه‌ڵ عێراق و هه‌رێمی کوردستان-عێراق کرد له بواری بازرگانی، وه‌به‌رهێنان، که‌رتی تایبه‌ت، پزیشکی و گه‌شتیاریدا.
سەرۆکایەتی هەرێمی کوردستان بڵاویکردووەتەوە، نیوه‌ڕۆی رۆژی پێنجشه‌ممه 29ـی شوباتی 2024 نێچیرڤان بارزانی، سه‌رۆکی هه‌رێمی کوردستان-عێراق له هه‌ولێر له‌گه‌ڵ ڤاهاگن خاچاتوریان، سه‌رۆکی ئەرمینیا کۆبووه‌وه.
له کۆبوونه‌وه‌که‌دا که جێگرانی سه‌رۆکی هه‌رێمی کوردستان-عێراق و وه‌زیرانی په‌یوه‌ندیداری حکومه‌تی هه‌رێمی کوردستان-عێراق ئاماده‌ی بوون، په‌یوه‌ندییه‌کانی ئەرمینیا له‌گه‌ڵ عێراق و هه‌رێمی کوردستان، به‌تایبه‌تی له بواری ئابووریدا تاوتوێ کران و ده‌رباره‌ی دۆخی عێراق و هه‌رێمی کوردستان و ره‌وشی پێکهاته‌کان، بیروڕایان گۆڕییه‌وه.
هه‌ردوولا باسیان له ده‌رفه‌ته‌کانی بره‌ودان به په‌یوه‌ندییه‌کانی ئەرمینیا له‌گه‌ڵ عێراق و هه‌رێمی کوردستان کرد له بواری بازرگانی، وه‌به‌رهێنان، که‌رتی تایبه‌ت، پزیشکی و گه‌شتیاریدا. له‌مباره‌یه‌وه تیشکیان خسته سه‌ر ده‌رفه‌تی گه‌شتی راسته‌وخۆی ئاسمانیی نێوان ئه‌رمه‌نستان و عێراق به هه‌رێمی کوردستانه‌وه.
لەلایەن خۆیەوە، سه‌رۆکی ئەرمینیا دووشه‌ممه‌ی رابردوو به سه‌ردانێکی فه‌رمی گه‌یشته به‌غداد و له‌گه‌ڵ به‌رپرسانی باڵای عێراق کۆبووه‌وه، به‌یانیی ئه‌مڕۆش گه‌یشته هه‌ولێر و له‌لایه‌ن سه‌رۆکی هه‌رێمی کوردستانه‌وه پێشوازی لێکرا.
بەگوێرەی راگەیەندراوی سەرۆکایەتی هەرێمی کوردستان-عێراق، دوایین پێشهاته‌کانی دۆخی ناوچه‌که به‌گشتی، ته‌وه‌رێکی دیکه‌ی کۆبوونه‌وه‌که بوو.
1
دابەشكردنی مووچە دەستپێدەكاتەوە
2
کۆنگرەی 14ـی پارتی؛ ناوی ئەندامانی کۆمیتەی ناوەندی راگەیەندرا
3
سەرۆکایەتی هەرێم: نابێت ههرێمى كوردستان بكرێته گۆڕهپانى يهكلاییكردنهوهى ململانێكانی لایەنە ناکۆکەکان
4
لیستی هاوپەیمانی تورکمانی: لەناوبردنی سیستەمی کۆتا جێگای قەبوڵ نییە و هەڵوێستی توندمان دەبێت
5
مەسرور بارزانی: پاڵپشتی خۆم بۆ بریندارانی هێرشه مهترسیدارهکەی شاری جەددە رادهگهیهنم
