وتەبێژی حکومەت: مووچەی خەڵکی هەرێم لە بەغدادەوە بەدیل گیراوە
وتەبێژی حکومەتی هەرێمی کوردستان-عێراق رایگەیاند، مووچەی خەڵکی هەرێمی کوردستان لە بەغدادەوە بەدیل گیراوە و نەناردنى پێچەوانەى بڕیارى دادگاى فیدراڵییە.
پێشەوا هەورامانى، وتەبێژی حکومەتی هەرێمی کوردستان-عێراق لە کۆنفرانسێکی رۆژنامەوانیدا رایگەیاند، جگە لە بیانووگرتنى ناڕەوا هیچ بیانوییەک بۆ نەناردنى مووچە لەلایەن بەغدادەوە نییە.
وتیشی، مووچەى خەڵکى هەرێمى کوردستان لەلایەن بەغدادەوە بەدیل گیراوە و نەناردنى مووچە وەک گێچەڵگرتنێکى سیاسیی دەبینین.
پێشەوا هەورامانى ئاماژەی بەوەشکرد، هۆکارى دابەشنەکردنى مووچە پەڵپگرتنى سیاسییە و نەناردنى مووچە پێچەوانەى بڕیارى دادگاى فیدراڵییە.
وتەبێژی حکومەتی هەرێم جەختیکردەوە کە هەموو داواکارییەکانى حکومەتى فیدراڵ و وەزارەتى دارایی عێراق لەبارەى مووچەوە جێبەجێکراوە.