عێراق.. وادەیەكی سەرەتایی بۆ ئەنجامدانی سەرژمێری دانیشتوان دیاریكرا
وەزارەتی پلاندانان ڕۆژی 20ی تشرینی دووەمی 2024ی وەك وادەی سەرەتایی بۆ ئەنجامدانی سەرژمێری دانیشتوان دیاریكرد.
زیاد عەواد كازم،سەرۆكی دەستەی ناوەندی ئامار رایگەیاند: مانگی ڕابردوو دەستەكەیان كۆبوونەوەیەكیان بە سەرپەرشتی وەزیری پلاندانان ئەنجامداوە و یەكێك لە گرنگترین بڕیارەكانیش كە دراوە ، دیاریكردنی ڕۆژی 20ی تشرینی دووەمی 2024 بووە، وەك وادەیەكی سەرەتایی بۆ ئەنجامدانی سەرژمێری دانیشتوان.
كازم روونیشیكردەوە كە ئەم بەروارە دەبێ بەدواداچوونی بۆ بكرێ و لەلایەن ئەنجومەنی وەزیرانی عێراقەوە پەسند بكرێت.
وتیشی: ئەمساڵ بڕی 100 ملیار دینار بەمەبەستی جێبەجێكردنی پێداویستییەكانی ژێرخانی و دامەزراندنی سەنتەرێكی داتا تەرخان كرا.