بەپێی خشتەی پشووەكانی حكومەتی هەرێم، سبەینێ سێشەممە 3-10-2023 بەبۆنەی یادی سەربەخۆیی عیراق لەسەرجەم دامودەزگاكانی عێراق بە هەرێمی كوردستانیشەوە پشووە.
بەگوێرەی رۆژمێری حکومەتی هەرێمی کوردستان و بەبۆنەی رۆژی سەربەخۆیی کۆماری عێراق؛ سبەی سێشەممە، 3ـی ئۆکتۆبەری 2023، لە سەرجەم فەرمانگە و دامودەزگاکانی هەردوو حکومەتی عێراق و هەرێمی کوردستان پشووی فەرمییە.
هەرچەندە دەنگۆی هەڵوەشاندنەوەی پشووەکە لە هەرێم لە نێو تۆڕە کۆمەڵایەتییەکان بڵاوبووەتەوە، بەڵام سەرچاوەیەک لە حکومەتی هەرێم بە میدیاکانی راگەیاند، ئەو دەنگۆیە دوورە لە ڕاستییەوە و سبەی لە هەرێمی کوردستان پشووی فەرمی دەبێت.
لە ڕۆژی 3ی تشرینی یەكەمی ساڵی 1932 عیراق لەژێر دەسەڵاتی بەڕیتانیا دەرچوو هەر ئەو رۆژەش وەك رۆژی سەربەخۆیی عێراق ناسێندرا.