تورکیا سەرەخۆشی لە کەسوکاری قوربانییانی ئاگرکەوتنەوەکەی سۆران دەکات
وەزارەتی دەرەوەی تورکیا رایگەیاندووە، بە داخێکی گرانەوە هەواڵی کەوتنەوەی ئاگرمان پێ گەیشت، کە بە هۆیەوە 14 کەس بوونە قوربانی و ژمارەیەکی دیکەش برینداربوون.
لە راگەیەندراوەکەی وەزارەتی دەرەوەی تورکیا هاتووە: "لە خوا داواکارین قوربانیانی ئاگرکەوتنەکە بخاتە بەر ڕەحمەتی خۆی و سەرەخۆشی لە کەسوکاریان و خەڵکی عێراق دەکەین و هیوای زوو چاکبوونەوەش بۆ بریندارەکان دەخوازین".
شەوی ڕابردوو بە هۆی کەوتنەوەی ئاگرێک لە باڵەخانەیەک لە سۆران، ١٤ کەس گیانیان لەدەستدا و حەوت کەسیش بریندار بوون.