کەمێک پێش ئێستا کۆبوونەوەی پارتی دیموکراتی کوردستان و یەکێتی نیشتمانی کوردستان لەسەر ئاستی باڵا لە پیرمام دەستیپێکرد، لە کۆبوونەوەکەدا چەند پرسێکی ناوخۆیی و ناوچەکە تاوتوێ دەکرێت.
شاندی پارتی دیموکراتی کوردستان پێکهاتووە لە نێچیرڤان بارزانی و مەسرور بارزانی جێگرانی سەرۆک بارزانی، فازڵ میرانی، هۆشیار زێباری، ئازاد بەرواری، مەحموود محەممەد، پشتیوان سادق و جەعفەر ئیمینیکی. هەروەها شاندی یەکێتی لە بافڵ تاڵەبانی، قوباد تاڵەبانی، عیماد ئەحمەد، دەرباز کۆسرەت رەسوڵ، سەعدی ئەحمەد پیرە، رەفعەت عەبدوڵڵا، شاڵاو عەلی عەسکەری، خەسرەو گوڵ محەممەد پێکدێت.
بەگوێرەی زانیارییەکان، لە کۆبوونەوەکەدا پارتی و یەکێتی، تاوتوێی پرسی هەڵبژاردنی خولی شەشەمی پەرلەمانی کوردستان-عێراق، هەڵبژاردنی ئەنجومەنی پارێزگاکان، پەیوەندییەکانی نێوانیان و پەیوەندییەکانی هەرێمی کوردستان لەگەڵ بەغدا دەکەن.
هەر لە کۆبوونەوەی ئەمڕۆدا پارتی و یەکێتی گفتوگۆ لەبارەی پرسە ئەمنییەکانی عێراق و ناوچەکە دەکەن، هاوکات پشتیوانیکردن لە هەنگاوەکانی حکومەتی هەرێمی کوردستان بۆ لە گفتوگۆکانی لەگەڵ بەغدا بۆ چارەسەرکردنی کێشە هەڵواسراوەکان و نەهێشتنی ئاستەنگەکان.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
