لەبارەی دۆخی غەززە وەزیری دەرەوەی ئەمریکا سەردانی تورکیا دەکات
بڕیارە لە چەند رۆژی داھاتوودا وەزیری دەرەوەی ئەمریکا سەردانی ئیسرائیل و ئوردون و تورکیا بکات.
ئاژانسی رۆیتەرز، لە زاری سەرچاوەیەکەوە تورکیاوە رایگەیاند، رۆژی یەکشەممەی داھاتوو ئەنتۆنی بلینکن وەزیری دەرەوەی ئەمریکا سەردانی تورکیا دەکات.
رۆیتەرز ئامانجی تەواوی سەردانەکەی بڵاونەکردووەتەوە، بەڵام زانیارییە میدیاییەکان باس لەوەدەکەن جەنگی ئیسرائیل حەماس و رەوشی غەززە ئامانجی سەردانەکەی وەزیری دەرەوەی ئەمریکان بۆ تورکیا.
سەردانەکەی بلینکن بۆ تورکیا لە کاتێکدایە، وەزارەتی دەرەوەی ئەمریکا رایگەیاندووە، بڕیارە سبەی ھەینی، وەزیری دەرەوە بۆ گفتوگۆکردن لەبارەی دوایین پەرەسەندنەکانی کەرتی غەززەوە سەردانی ھەریەکە لە ئیسرائیل و ئوردن بکات.