کۆمیسیۆنی باڵای هەڵبژاردنەکانی عێراق وردبینی لە لیستی کاندیدان تەواو کردووە و لەم دوو ڕۆژەدا وادەی دەستپێکردنی بانگەشەی هەڵبژاردنی پەرلەمانی کوردستان-عێراق دیاری دەکات.
ئەمڕۆ دووشەممە، 23-09-2024، عیماد جەمیل، سەرۆکی تیمی میدیای کۆمیسیۆنی باڵای سەربەخۆی هەڵبژاردنەکانی عێراق بە میدیاکانی راگەیاند “وردبینی لە لیستی کاندیدانی هەڵبژاردنی خولی شەشەمی پەرلەمانی کوردستان تەواو بووە”.
عیماد جەمیل راشیگەیاندووە، “لەم دوو ڕۆژەدا ئەنجوومەنی کۆمیسیاران کۆ دەبێتەوە، لیستی کۆتایی کاندیدان پەسەند دەکات و هەر لەو کۆبوونەوەیەدا وادەی دەستپێکردنی بانگەشەی هەڵبژاردنی پەرلەمانی کوردستان دیاری دەکات”.
سەرۆکی تیمی ڕۆژنامەوانیی کۆمیسیۆنی باڵای سەربەخۆی هەڵبژاردنەکانی عێراق باسی لەوەش کرد “11 کاندید لە هەڵبژاردنی پەرلەمانی کوردستان دوورخراونەتەوە و شوێنی بەشێکیان لەلایەن حزبەکانیانەوە بە کەسانی دیکە پڕ کراونەتەوە”.
هەڵبژاردنی خولی شەشەمی پەرلەمانی کوردستان-عێراق، ڕۆژی 20-10-2024، بە سەرپەرشتیی کۆمیسیۆنی باڵای سەربەخۆی هەڵبژاردنەکانی عێراق بەڕێوە دەچێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
Thanks I have just been looking for information about this subject for a long time and yours is the best Ive discovered till now However what in regards to the bottom line Are you certain in regards to the supply