سەرۆكایەتی هەرێمی كوردستان دەڵێت، لە هەوڵدایە كورسی پێكهاتەكان بۆ پەرلەمانی كوردستان-عێراق بگەڕێنێتەوە.
دڵشاد شەهاب، وتەبێژی سەرۆكایەتی هەرێمی كوردستان بە دەنگی ئەمریكای راگەیاند، دوای دەرچوونی بڕیارەكەی دادگای فیدراڵی و لابردنی كورسی پێكهاتەكان، پێكهاتەكان لیستیان بۆ بەشداریكردن لە هەڵبژاردن پێشكەشنەكردووە، بۆیە سەرۆكایەتی هەرێمیش لە هەوڵدایە ئەو مافەیان بۆ بگێڕدرێتەوە.
ئەوەشی خستووەتەڕوو، هەموو دەسەڵاتە فیدڕاڵییەكان تێگەیشتنیان هەیە و بوونی كورسی كۆتا بە مافی پێكهاتەكان دەزانن و نەتەوە یەكگرتووەكانیش لەسەر هێڵە و پێشنیازیان بۆ چارەسەر هەیە.
پەیوەست بە ئەنجامدانی هەڵبژاردنیش، دڵشاد شەهاب باسی لەوەكردووە، دەیانەوێت هەموو لایەنەكان بەشداربن و گەرەنتی هەڵبژاردنێكی سەركەوتوو بكەن، ئەوەش ئامانجی سەرۆكایەتی هەرێمە و چی پێویست بكات ئەنجامی دەدەن و ئاڕاستەكەشیان ڕێچكەی باشی وەرگرتووە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
