عێراق.. پلەکانی گەرما نزیک دەبنەوە لە نیوەکوڵان
کەشناسی عێراق رایگەیاند، سەرەتای هەفتەی داهاتوو شەپۆلێکی گەرما روو لە عێراق دەکات و لە بەشێک لە پارێزگاکان پلەکانی گەرما دەگاتە ٥٢ پلەی سەدی.
دەستەی کەشناسی عێراق لە راگەیەندراوێکدا ئاماژەی بەوەکردوە، لە سبەینێ پێنجشەممەوە پلەکانی گەرما بەشێوەیەکی بەرچا بەرزدەبنەوە، رۆژانی شەممە و یەکشەممەی هەفتەی داهاتووش لە بەشێک لە پارێزگاکانی باشوور پلەکانی گەرما تا ٥٢ پلە بەرزدەبنەوە.
هاوکات کەشناسی هەرێم لە راگەیەندراوێکدا رایگەیاندووە، بەگوێرەی پێشبینییەکان پلەی گەرما لە هەرێمی کوردستان زیاتر بەرز دەبێتەوە و لە هەندێک ناوچە دەگاتە نزیک 50 پلەی سیلیزی.
بەرزترین پلەکانی گەرمای پێشبینیکراو بە پلەی سیلیزی:
هەولێر: 45 پلەى سیلیزى
سلێمانی: 44 پلەى سیلیزى
دهۆک : 44 پلەى سیلیزى
هەڵەبجە: 46 پلەى سیلیزى
حاجی ئۆمەران: 32 پلەى سیلیزى
زاخۆ : 45 پلەى سیلیزى
سۆران : 44 پلەى سیلیزى
گەرمیان: 48 پلەى سیلیزى