هاکان فیدان گەیشتە هەولێر و لەگەڵ بەرپرسانی هەرێم کۆدەبێتەوە

0

لایک

0

دوای دیدار و کۆبوونەوەکانی لە بەغداد بەرەبەیانی ئەمڕۆ هاکان فیدان، وەزیری دەرەوەی تورکیا بە سەردانێکی فەرمی گەیشتە هەولێر.

به‌ره‌به‌یانی ئه‌مڕۆ پێنجشه‌ممه‌ 24ـی ئابی 2023 هاکان فیدان وەزیری دەرەوەی تورکیا بە سەردانێکی فەرمی گەیشتە شاری هەولێر و لەلایەن رێبەر ئەحمەد وەزیری ناوخۆی حكومه‌تی هه‌رێمی كوردستان، سەفین دزەیی بەرپرسی فەرمانگەی پەیوەندییەکانی دەرەوە، فەلاح مستەفا راوێژکاری سەرۆکی هەرێم و ئومێد خۆشناو، پارێزگاری هەولێر پێشوازی لێکرا.

بڕیارە کۆبوونەوەکانی هاکان فیدان ئەمڕۆ لەگەڵ بەرپرسانی باڵای حکومەتی هەرێمی کوردستان لەبارەی چەند پرسێکی گرنگ دەستپێبکات.

تەوەری کۆبوونەوەکانی فیدان‌ تاووتوێکردنی چەند پرسێکی گرنگ، کە دیارترینیان، پرسی ئەمنی و ئابووری نێوان تورکیا و هەرێمی کوردستان دەبێت.