لە پارێزگای ئەدییەمان، بوومەلەرزەیەک بە گوڕی 5 پلە بە پێوەری رێختەر روویدا.
بەگوێرەی راگەیەندراوێکی سەرۆکایەتیی ئیدارەدانی کارەسات و باری لەناکاوی تورکیا (ئافاد)، کاتژمێر 05:51 خولەکی بەرەبەیانی ئەمڕۆ دووشەممە 27ـی شوباتی 2023، بوومەلەرزەیەک بە گوڕی 5 پلە بە پێوەری رێختەر لە شارۆچکەی سەریگۆلان سەر بە پارێزگای ئەدییەمان لە قووڵایی 8.51 کیلۆمەتر تۆمارکراوە.
دوای بوومەلەرزە وێرانکەرەکەی 6ـی شوبات تائێستا زیاتر لە 10 هەزار پاشلەرزە تۆمارکراون کە گەورەترینیان بە گوڕی 6.4 پلەی رێختەر لە پارێزگای هاتای تۆمار کرا.
