دەستەی کەشناسی عێراق رایگەیاند، لەم هەفتەیەدا شەپۆلێکی خۆڵبارین روو لە وڵات دەکات. هاوکات، دەشلێت، هەرێم ناگرێتەوە.
ئەمڕۆ یەکشەممە، دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەینێ دووشەممە ئاسمانی وڵات ساماڵ دەبێت لەگەڵ بوونی چەند پەڵە هەورێک.
ئاماژەی بەوەشداوە، لە ناوچەکانی ناوەڕاست و باشور خۆڵبارین دەبێت، بەڵام لە هەرێم ئاسمان ساماڵ و پەڵە هەور دەبێت.
لەبارەی پلەکانی گەرماشەوە راگەیەنراوەکە ئاماژەی بەوەداوە، لە ناوچەکانی ناوەڕاست و باشور هاوشێوەی رۆژی پێشتردەبن، بەڵام لە هەرێم کەمێک بەرزدەبێتەوە.
راگەیەنراوەکەی دەستەی کەشناسی عێراق ئەوەشی خستووەتەڕوو، رۆژی سێشەممە، ئاسمانی وڵات ساماڵ دەبێت و لە ناوچەکانی ناوەڕاست پلەکانی گەرما کەمێک بەرزدەبێتەوە و لە هەرێم هاوشێوەی رۆژانی پێشتر دەبێت و لە ناوچەکانی باشور کەمێک دادەبەزێت.
لەبارەی پێشبینییەکانی کەشوهەوای رۆژی چوارشەممەوە ئەوەشخراوەتەڕوو، لەسەرتاسەری وڵاتدا ئاسمان ساماڵ دەبێت و پلەکانی گەرماش هەوشێوەی رۆژانی رابردوو دەبێت.
هاوکات، سادق عەتییە شارەزای بواری کەشناسی لە فەیسبووکی خۆی بڵاویکردەوە، لەمڕۆوە شەپۆلێکی خۆڵبارین رووی لە وڵاتکردووە و لە سەر رێگای نێوان بەسرە و میسان و زیقار چرتڕ دەبێت بەجۆرێک مەودای بینین تەواو کەمدەکاتەوە.
ئاماژەی بەوەشداوە، بەهۆی چالاکی باوە لە پارێزگاکانی میسان و واست و بەغدا و سەڵاحەدین و نەینەوا و باکوری ئەنبار و ناوچەکانی فوڕاتی ناوەڕاست خۆڵبارین بەردەوامدەبێت.
دەشڵێت، بە گوێرەی پێشبینییەکان تا بەرەبەیانی رۆژی دووشەممە خۆڵبارینەکە بەردەوامدەبێت.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
