ئەمڕۆ سێشەممە، دەستەی كەشناسی كەشوهەوای عێراقی بۆ رۆژانی داهاتوو راگەیاند، لە كاتێكدا پێشبینی دەکرێت زریانی خۆڵبارین لەگەڵ كەمبوونەوەی پلەكانی گەرما هەینی داهاتوو رووبدات.
لە راگەیەندراوێكدا دەستەکە رایگەیاندووە، “كەش و هەوای وڵات بۆ سبەینێ كە دەكاتە چوارشەممە، روون دەبێت لەگەڵ بەرزبوونەوەی تۆز و خۆڵ لە ناوچەكانی ناوەڕاست و باشوور، هاوكات كەشوهەوای هەرێم روون دەبێت”.
ئاماژە بەوەشكراوە، “كەش و هەوای سبەی پێنجشەممە لە ناوچەكانی ناوەڕاست و باشوور تۆزاوی دەبێت، هاوكات كەشوهەوای ناوچەی باكوور تۆزاوی دەبێت لەگەڵ هەندێک هەور، هەروەها پلەكانی گەرما هاوشێوەی ئەوانەن كە رۆژی پێشوو لە سەرتاسەری وڵات تۆماركرابوو”.
ڕوونیشیكردووەتەوە، “كەش و هەوای رۆژی هەینی تۆزاوی دەبێت لەگەڵ ئەگەری دروستبوونی زریانی خۆڵبارین لە ناوچەی ناوەڕاست، هەروەها پلەكانی گەرما بە بەراورد بە رۆژی پێشوو كەمێک دادەبەزێت، هاوكات كەشوهەوای ناوچەكانی باكوور و باشووریش تۆزاوی دەبێت، هەروەها پلەكانی گەرما لە ناوچەكانی ناوەڕاست نزیک دەبێتەوە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
