بە فەرمانی پارێزگاری هەولێر(ئەربیل) ماوەی دەوامی رۆژانە لە مانگی رەمەزاندا کاتژمێرێک کەمدەکرێتەوە و لە 09:00ـی بەیانییەوە دەوام دەستپێدەکات، بەڵام دوو وەزارەت و سنووری ئیدارەی سۆران لەم بڕیارە بێبەش دەبن.
نووسینگەی پارێزگاری هەولێر رایگەیاند، “بەبۆنەی هاتنی مانگی پیرۆزی رەمەزان، لەسەر فەرمانی بەڕێز پارێزگاری هەولێر، بڕیاردرا بە کەمکردنەوەی دەوامی فەرمیی دیوانی پارێزگا و سەرجەم قایمقامیەت و ناحیەکان و بەڕێوەبەرایەتی و بەڕێوەبەرایەتییە گشتییەکانی سنووری پارێزگای هەولێر”.
بەپێی راگەیێندراوەکەی نووسینگەی پارێزگای هەولێر کەمکردنەوەی دەوام بەمشێوەیە دەبێت:
یەکەم: که‌مکردنه‌وه‌ی یه‌ک کاتژمێر ده‌وام، واته کاتژمێر 09:00ی بەیانی دەوامی فەرمی دەستپێدەکات.
دووەم: ئەم بڕیارە کەرتی پەروەردە و تەندروستی و خوێندنی باڵا و سنووری ئیدارەی سۆران ناگرێتەوە.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
