وەزارەتی تەندروستی عێراق رایگەیاند، لەماوەی 24 کاتژمێری رابردوودا دوو هەزار و 953 تووشبووی نوێی ڤایرۆسی کۆڕۆنا تۆمارکراوە.
لەراگەیەندراوی رۆژانەی وەزارەتی تەندروستی عێراق ئاماژە بەوەدراوە کە لە ماوەی 24 کاتژمێری رابردوودا ژمارەی تووشبواان زیادی کردووە و دوو هەزار و 953 تووشبووی نوێ تۆمارکراوە.
شایەنی باسە لە راگەیەندراوەکەدا باس لەوەشکراوە کە لەو ماوەیەدا دوو هەزار و 886 تووشبوو چاکبووەتەوە و سێ تووشبووش گیانی لەدەستداوە.
وەزارەتی تەندروستی عێراق ئاماژەی بەوەشکردووە کە لەو ماوەیەدا 15 هەزار و 22 کەس ڤاکسینی کۆڕنایان وەرگرتووە.
تا ئێستا لە عێراق دوو ملیۆن و 432 هەزار و 786 کەس تووشی ڤایرۆسی کۆڕۆنا بووە، لەو ژمارەیە دوو ملیۆن و 372 هەزار و 11 کەس چاکبووەتەوە و 25 هەزار و 293 کەسیس گیانی لەدەستداوە. هەروەها دە ملیۆن و 963 هەزار و 828 کەس ڤاکسینی کۆڕۆنایان وەرگرتووە.