ڕۆژی شەممە، ڕێكەوتی 4ـی کانوونی دووەمی 2025، دەزگای ئاسایشی نیشتمانی عێراق بڵاویکردەوە، “بە هەماهەنگی ئەمنی شانەی رووبەڕووبوونەوەی تیرۆری دەزگاکەمان و بەڕێوەبەرایەتی گشتی ئۆپەراسیۆنەکانی دەزگای ئاسایشی هەرێم، توانرا 4 تیرۆریستی داواکراو بە گوێرەی مادەی چواری یاسای بەرەنگاربوونەوەی تیرۆر دەستگیربکرێن.”
دەزگاکە دەڵێت، “دوای لێکۆڵینەوە، بۆمان دەرکەوت ئەو تیرۆریستانە بەڵگەنامە و ناسنامەی ساختەیان بۆ ئاسانکاریی هاتووچۆکردن و خۆدزینەوە لە چاودێریی ئەمنی بەکارهێناوە.”
دەزگای ئاسایشی نیشتمانی عێراق دەڵێت، “دوو لەو تیرۆریستانە کارمەندی دەستەی پەرەپێدان و پیشەسازیی سەربازی رێکخراوی تیرۆریستی داعش بوون لە ویلایەتی ئەنبار. ئەوان لە پیشەسازیی دروستکردنی مووشەکی کاتیۆشا کاریان کردووە کە لە کاتی ئۆپەراسیۆنەکانی رزگارکردندا لە رێگەیەوە هێزە ئەمنییەکانیان کردووەتە ئامانج.”
بەگوێرەی دەزگاکە، “دوو تیرۆریستەکەی دیکە سەر بە ویلایەتی نەینەوا و دیجلەی داعش بوون و، بەشداربوون لە هێرشی تیرۆریستی بۆ سەر هێزە ئەمنییەکان و هاووڵاتییانی سڤیل.”
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
