سەرۆکی فراکسیۆنی سەدر لە پەرلەمانی عێراق رایگەیاند، پشتگیری بڕیارەکەی رێبەری رەوتی سەدر دەکەن بۆ دەستلەکارکێشانەوەی فراکسیۆنەکەیان لە پەرلەمان.
حەسەن عەزاری، سەرۆکی فراکسیۆنی سەدر لە پەرلەمانی عێراق، دوای ئەوەی شەوی رابردوو نامەی دەستلەکارکێشانەوەی سەرجەم ئەندامانی فراکسیۆنەکەی پێشکەشی سەرۆکی پەرلەمان کرد و داواکارییەکانیان پەسندکرا، لە راگەیەندراوێکدا بڵاویکردەوە، “بەناوی خۆم و سەرجەم خوشک و برایانم لە فراکسیۆنی سەدر سوپاسی سەرۆکی رەوتی سەدر دەکەین بۆ ئەوەی پێشکەش بە ئێمە و بە گەلی عێراقی کرد، ئێمە هەمیشە ئامادەی جێبەجێکردنی هەر ئەرکێکین پێمان بسپێرێت”.
عەزاری راشیگەیاند، “سوپاس و پێزانین ئاراستەی پەرلەمانتارانی فراکسیۆنی سەدر دەکەم کە لەئاستی بەرپرسیارێتیدا بوون”. و وتیشی، “لێرەوە دەیڵێم بە قسەو بە کردەوەش پشتیوانی خۆمان بۆ بڕیارەکەی سەید سەدر رادەگەیەنین”.
جێی باسە، شەوی رابردوو حەسەن عەزاری، لەسەر فەرمانی موقتەدا سەدر رێبەری رەوتی سەدر دەستلەکارکێشانەوەی تەواوی ئەندامانی فراکسیۆنەکەیانی پێشکەش بە محەمەد حەلبوسی، سەرۆکی پەرلەمان کرد و ناوبراویش واژۆی قبووڵکردنی لەسەر داواکەیان کرد.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
