پێشمەرگە و سوپای عێراق تاوتوێی هەماهەنگیی لە ناوچەکانی بۆشایی ئەمنی نێوانیان دەکەن
فەریق روکن عیسا عوزێر، سەرۆکی ئەرکانی وەزارەتی پێشمەرگە و لیوا روکن عەبدوڵڵا رەمەزان جبوری، فەرماندەی فرقەی 14ـی فەرماندەیی ئۆپەراسیۆنەکانی نەینەوا، تاوتوێی هەماهەنگیی نێوان هێزەکانی پێشمەرگە و سوپای عێراقیان کرد لە ناوچەکانی بۆشایی ئەمنی.
فەریق روکن عیسا عوزێر، سەرۆکی ئەرکانی وەزارەتی پێشمەرگە و لیوا روکن عەبدوڵڵا رەمەزان جبوری، فەرماندەی فرقەی 14ـی فەرماندەیی ئۆپەراسیۆنەکانی نەینەوا، تاوتوێی هەماهەنگیی نێوان هێزەکانی پێشمەرگە و سوپای عێراقیان کرد لە ناوچەکانی بۆشایی ئەمنی.
سەبارەت بە دیدارەکە راگەیەندراوێک لە وەزارەتی پێشمەرگەوە بڵاوکرایەوە و تیایدا هاتووە، فەریق روکن عیسا عوزێر پێشوازیی لە لیوا روکن عەبدوڵڵا رەمەزان جبوری و شاندێکی یاوەری کردووه.
لە دیدارەکەدا گفتوگۆ دەربارەی هەماهەنگی و پەیوەندییەکانی نێوان وەزارەتی پێشمەرگە و وەزارەتی بەرگریی عێراق کراوه، بەتایبەت لەو ناوچانەی کە بۆشایی ئەمنی هەیە لەنێوان هێزی پێشمەرگە و سوپای عێراقیدا.
لەلای خۆیەوە، سەرۆکی ئەرکانی وەزارەتی پێشمەرگە جەختی لەسەر بەردەوامییدان بە هاوکاری و هەماهەنگی ئەمنی لەنێوان هێزی پێشمەرگە و سوپای عێراق کردووەتەوە، هاوکات دووپاتیشی کردووەتەوە بۆ بەرقەرارکردنی ئارامی و سەقامگیریی ناوچەکە، پێویستییان بە کاری هاوبەش و هەمەلایەنە هەیە.