پۆلیسی سلێمانی دەستگیرکردنی سێ کەسی راگەیاند کە تۆمەتبارن بە بەکارهێنانی ماددەی هۆشبەر و لەکاتی دەستگیرکردنیشیاندا دەست بەسەر برێک ماددەی هۆشبەردا گیراوە.
ئەمڕۆ چوارشەممە 25-05-2022، بەڕێوەبەرایەتی پۆلیسی پارێزگای سلێمانی بڵاویکردووەتەوە، “دوای ئەوەی زانیاری گەیشتە هێزەكانی پۆلیسی سلێمانی لەسەر سێ تۆمەتبار كە ماددەی هۆشبەریان پێیە، پۆلیسی سلێمانی لێكۆڵینەوەكانی دەستپێكرد و سەرەنجام توانرا تۆمەتباران بدۆزرێنەوە و دەستگیربكرێن”.
ئەوەشی روونکردووەتەوە، “لەكاتی دەستگیركردنی تۆمەتبارەکاندا دەستگیرا بەسەر بڕێک ماددەی هۆشبەر، دوای ئەوەی پشكنینیش بۆ تۆمەتباران ئەنجامدرا دەركەوت كە بەكارهێنەری ماددەی ھۆشبەرن”.
هاوکات، “لەئێستادا تۆمەتباران ( گ ، ق ، ع لەدایكبووی 1971)، (أ ، ح ، ع لەدایكبووی 2000)، (ع ، س ، ع لەدایكبووی 2003)”، بە بڕیاری دادوەر و بەپێی ماددەی (30)ـی تایبەت بە ماددە هۆشبەرەکان دەستگیركراون و لەلایەن بنكەی پۆلیسی ئەزمەڕەوە پەڕاوی لێكۆڵینەوەیان بۆ كراوەتەوە”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
